సౌదీలో ఓ తెలుగు తల్లి కష్టజీవితం – మాతృమూర్తి వీర వెంకమ్మ స్వదేశ ప్రయాణం

📰 Generate e-Paper Clip

గల్ఫ్ వార్తలు : ఆంధ్రా, తూర్పు గోదావరి జిల్లా, రాజోలు లో పుట్టి తెలంగాణ, హైదరాబాద్‌కు లో సెటిల్ అయిన వీర వెంకమ్మ (67) గత ఇరవై సంవత్సరాలుగా రియాద్‌లోని అల్ ఖర్జ్ ప్రాంతంలో ఓ ఇంటి పనిమనిషిగా పనిచేస్తూ జీవనం సాగిస్తున్నారు. తన ఇద్దరు కుమార్తెల పెళ్లిళ్ల కోసం ఆర్థికంగా సహాయం చేయాలనే ఆశతో ఆమె గత 12 సంవత్సరాలుగా స్వదేశానికి వెళ్లకుండా కష్టపడి పనిచేశారు. ఈ కాలంలో ఆమె కుమార్తెలు ఇద్దరూ వీర వెంకమ్మ వృద్ధ తల్లితో కలిసి భారత్‌లోనే నివసించేవారు.

అయితే ఒకరోజు ఆమె తల్లి మరణ వార్త కుటుంబాన్ని తీవ్ర విషాదంలోకి నెట్టింది. కుమార్తెల చదువులు, పెళ్లిళ్లు, తల్లి వైద్య చికిత్స కోసం ఎన్నో సంవత్సరాలు కుటుంబానికి దూరంగా గడిపిన వీర వెంకమ్మకు తల్లి మరణం తీవ్ర మనోవేదన కలిగించింది.

ఇదిలా ఉండగా, పెద్ద కుమార్తె వివాహ జీవితం కూడా సజావుగా సాగకపోవడంతో ఆమె ఉపాధి కోసం కువైట్‌కు వెళ్లాల్సిన పరిస్థితి ఏర్పడింది.

కుటుంబ పరిస్థితులు, కుమార్తె అభ్యర్థనల నేపథ్యంలో వీర వెంకమ్మ చివరకు స్వదేశానికి తిరిగి వెళ్లాలని నిర్ణయించుకున్నారు. ఏ విధంగానైనా ఇంటికి చేరుకోవాల్సిన అవసరం ఏర్పడింది.

అయితే స్వదేశానికి వెళ్లాలన్న కోరిక ఉన్నప్పటికీ, ఆమె వద్ద పాస్‌పోర్ట్ సహా అవసరమైన పత్రాలు ఏవీ లేవు. ఈ విషయాన్ని అల్ ఖర్జ్ లేబర్ కోర్టు, GIO అల్ ఖర్జ్ అధ్యక్షుడు నాసర్ పొన్నానికి తెలియజేయగా, ఆయన వెంటనే భారత రాయబార కార్యాలయాన్ని సంప్రదించారు. భారత రాయబార కార్యాలయం అనుమతితో వీర వెంకమ్మను ఎంబసీ అధికారులకు అప్పగించారు. ఈ ప్రక్రియ మొత్తం పూర్తయ్యేలా భారత రాయబార కార్యాలయ అధికారి షకీబ్ విలువైన సహకారం అందించారు.

వీర వెంకమ్మకు తెలుగు మరియు కొంత అరబిక్ మాత్రమే తెలుసు. ఈ మొత్తం మానవతా కార్యక్రమాన్ని GIO అల్ ఖర్జ్ అధ్యక్షుడు నాసర్ పొన్నాని సమన్వయం చేసి విజయవంతంగా పూర్తి చేశారు.

ఈ సందర్భంగా SATA వ్యవస్థాపకుడు మల్లేశన్‌తో పాటు SATA టీం, రియాద్ అధ్యక్షులు శ్రీనివాస్ మచ్చ, సర్వాణి విద్యాధరణి, గ్లోబల్ తెలుగు నజియా, సాటా ఈస్ట్రన్ అధ్యక్షుడు తేజ పళ్లెం, గ్లోబల్ తెలుగు రామిరెడ్డి పామిరెడ్డి మరియు అల్ ఖర్జ టీం భారత రాయబార కార్యాలయ అధికారుల సేవలను అభినందించారు.

సౌదీ లో తెలుగు వాళ్ళకు అండగా నిలిచే సాటా వ్యవస్థ ముందుకు వచ్చి ఆమెకు విమాన ప్రయాణ టికెట్, సమయానుకూలంగా అందించారు. ఆమెకు సహాయం అందించిన మానవతా మిత్రులందరికీ, వారి సహాయానికి సౌదీ లో తెలుగు వారంతా మరియు సాటా రియాద్ కోర్ టీం సభ్యులు, కోకిల ఓత్లూరి, ప్రీతి చౌహాన్, మహమ్మద్ నూరుద్దీన్, యోగేశ్వర రావు వీరవల్లి, సింగు నరేష్ కుమార్, అహ్మద్ అబ్దుల్ కరీం, మహమ్మద్ అబ్దుల్ ఘఫ్ఫార్, మిధున సురేష్, ముదిగొండ శంకర్, మురళీ క్రిష్ణ బూసి, లోకేష్ తాళ్ల, అబ్దుల్ నయీం ఖయ్యూమ్, ఖాజా ముజమ్మిల్ ఉద్దీన్, అహ్మద్ మోహియుద్దీన్ రోజ్దార్ సయ్యద్ (అస్లాం), ఫణి కుమార్ అయ్యగారి, పెంటపాటి శ్రీ చరణ్  , మహమ్మద్ కమిల్, దూడం సంజీవ్, శేఖర్ పడాల  కృతజ్ఞతలు తెలిపారు.