Adb: జిల్లాలో అక్కడక్కడ భారీ వర్షాలు పడే అవకాశం

రిపబ్లిక్ హిందుస్థాన్, ఆదిలాబాద్ : భారతీయ వాతావరణ విభాగం , ప్రాంతీయ కేంద్రం , హైదరాబాద్ ( తెలంగాణా ) వారి సూచన ప్రకారము ఆదిలాబాద్ జిల్లాలో రాబోయే 5 రోజులలో ( 18.06.2022 నుండి 22.06.2022 వరకు ) ఆకాశము మధ్యస్థంగా మేఘావృతమై ఉండును . 18 వ తేదిన 55 మి.మీ. , 19 వ తేదిన 5 మి.మీ. , 20 వ తేదిన 24 మి.మీ. , 21 వ తేదిన 25 మి.మీ. మరియు 22 వ తేదిన 24 మి.మీ.ల వర్షపాతము ( తేలికపాటి నుండి ఓ మోస్తరు వర్ష సూచన కలదు . ) కురిసే అవకాశం కలదు . గాలిలో గరిష్ట ఉష్ణోగ్రత 34-36 డిగ్రీ సెంటీగ్రేడు గాను , కనిష్ట ఉష్ణోగ్రత 21-23 డిగ్రీ సెంటీగ్రేడుగా నమోదు కావచ్చును , గాలిలో తేమ ఉదయం 61-79 % గాను , మధ్యాహ్నం పూట 53-59 % వరకు ఉండగలదు . నైరుతి దిశ నుండి గంటకు 8-15 కి.మీ.ల వేగంతో బలమైన గాలులు వీచే అవకాశం ఉందని ఆదిలాబాద్ వ్యవసాయ పరిశోధన స్థానం ప్రధాన శాస్త్రవేత్త శ్రీధర్ చౌహన్ తెలిపారు. గమనిక : 18 న భారీ వర్షాలు జిల్లాలో అక్కడక్కడ పడే అవకాశం కలదు .