ఆదిలాబాద్‌లో గంజాయి పంటపై పోలీసుల ఉక్కుపాదం

ఆదిలాబాద్ జిల్లా, ఆగస్టు 25: జిల్లాను గంజాయి రహితంగా తీర్చిదిద్దే లక్ష్యంతో జిల్లా పోలీసులు కఠిన చర్యలు చేపడుతున్నారు. నార్నూర్ మండలం సుంగాపూర్ గ్రామ శివారులోని వ్యవసాయ భూమిలో చట్టవిరుద్ధంగా పండిస్తున్న 95 గంజాయి మొక్కలను సిసిఎస్ బృందం, నార్నూర్ పోలీసులు సంయుక్తంగా స్వాధీనం చేసుకున్నారు. ఈ మొక్కల బరువు 12.4 కిలోలు, బహిరంగ మార్కెట్‌లో విలువ సుమారు 9.5 లక్షల రూపాయలు.

Thank you for reading this post, don't forget to subscribe!

నిందితుడు కొడప దేవురావు (61), సుంగాపూర్ గ్రామ నివాసి,పై నార్నూర్ పోలీస్ స్టేషన్‌లో ఎన్‌డిపిఎస్ చట్టం కింద కేసు నమోదై, అరెస్టు చేసి రిమాండ్‌కు తరలించారు. జిల్లా ఎస్పీ అఖిల్ మహాజన్ ఐపిఎస్ మాట్లాడుతూ, గంజాయి పండించడం, వ్యాపారం, సేవించడం, రవాణా చేయడం చట్టవిరుద్ధమని, ఇటువంటి నేరాలకు పాల్పడిన వారిపై కఠిన చర్యలు తీసుకుంటామని హెచ్చరించారు. గంజాయి నిర్మూలనకు ప్రత్యేక బృందాలు ఏర్పాటు చేసి, నిరంతరం చర్యలు చేపడుతున్నట్లు తెలిపారు.

ఈ కార్యక్రమంలో నార్నూర్ సీఐ పి. ప్రభాకర్, సిసిఎస్ ఇన్స్పెక్టర్ పి. చంద్రశేఖర్, నార్నూర్ ఎస్సై కే. అఖిల్, సిసిఎస్, పోలీస్ స్టేషన్ సిబ్బంది పాల్గొన్నారు.