చెల్లెల్ని కిడ్నాప్ చేసిన అక్క – ఆదిలాబాద్‌లో ఆరుగురిపై కేసు నమోదు

ఆదిలాబాద్ జిల్లా, ఆగస్టు 21: ఆదిలాబాద్ టూ టౌన్ పోలీస్ స్టేషన్‌లో ఫిర్యాదుదారుడు అలుగుంటి శ్రీనివాస్ ఫిర్యాదు మేరకు ఆరుగురిపై కిడ్నాప్ కేసు నమోదైందనీటూ టౌన్ సీఐ కె నాగరాజు తెలిపారు .

Thank you for reading this post, don't forget to subscribe!

ఆగస్టు 7న రాత్రి 7:30 గంటలకు శ్రీనివాస్ భార్య భగత్ మనీషాను ఆమె అక్క విజయ, తల్లి సునంద, చెల్లెలు ప్రగతితో సహా ఆరుగురు కిడ్నాప్ చేసి తీసుకెళ్లారని ఆరోపణ. టూ టౌన్ సీఐ కె నాగరాజు బాధితురాలిని కిన్వట్‌లో గుర్తించి రక్షించగా, ఆమె బలవంతంగా కిడ్నాప్ చేయబడినట్లు తెలిపింది. మనీషా తన ఇష్టపూర్వకంగా భర్త శ్రీనివాస్‌తో సంజయ్ నగర్‌లో నివసించడానికి వెళ్లిందని అధికారులు తెలిపారు.

ప్రధాన నిందితురాలు విజయ, తన చెల్లెలి ప్రేమ వివాహంపై కక్షతో భార్యాభర్తలను విడగొట్టేందుకు ప్రయత్నించినట్లు తెలుస్తోందనీ . నిందితులు విచారణకు సహకరించకుండా సోషల్ మీడియాలో పోలీసులపై దుష్ప్రచారం చేశారని, ఇలాంటి చర్యలపై చట్టపరమైన చర్యలు తీసుకోబడతాయని సీఐ హెచ్చరించారు. జిల్లా పోలీసులు మహిళల పట్ల గౌరవంగా వ్యవహరిస్తూ, బాధితులకు సత్వర న్యాయం అందించేందుకు కృషి చేస్తున్నారని తెలిపారు. నిందితుల విజయ (25), సునంద (48), ప్రగతి (20), ప్రతిన్ ముకింద కనిండే, మైనర్ బాలుడు, షబీర్ కేసులు నమోదు చేసినట్లు తెలిపారు.

ఈ కార్యక్రమంలో ఎస్ఐ వి విష్ణు ప్రకాష్, సిబ్బంది పాల్గొన్నారు.